The Revolutionary Government of Zanzibar
Zanzibar Planning Commission

Kamishna, Idara ya Mipango Kitaifa, Maendeleo ya Kisekta na Kupunguza Umaskini Nd. Mohammed Salim masoud, ameongoza kikao cha kamati ya Wataalamu cha kuwasilisha Taarifa ya Utekelezaji ya shughuli za MKURABITA katika kipindi cha July-Disemba 2022/2023.

Katika kikao hicho, Mratibu wa MKURABITA kwa upande wa Zanzibar amewasilisha Mwelekeo na Makadirio ya Matumizi ya Shughuli za MKURABITA kwa mwaka 2023/2024 pamoja na Kujadili Utekelezeji wa Maagizo ya Waziri wa nchi, Menejimenti ya Utumishi wa Umma na Utawala Bora Mh. Jenista Mhagama alipotembelea Miradi ya MKURABITA kwa upande wa Zanzibar.

Kwa upande wa Wizara ya Ardhi na Maendeleo ya Makazi Zanzibar wamewasilisha taarifa ya kamisheni ya utekelezaji wa kazi za Utambuzi wa Ardhi kwa kipindi cha Julai hadi Disemba 2022 kwa Unguja na Pemba Ambapo maeneo walio yafanyia utambuzi huo ni Jambiani kwa upande wa Unguja na Gombani kwa Pemba

Kwa Unguja wameweza kufanya kazi ya Upimaji wa Viwanja,uwekaji wa mipaka na utoaji wa ramani ya maeneo husika pamoja na ujazaji wa fomu za utambuzi wa ardhi hayo yalifanyika kwa sambamba na baada hapo uhakiki wa fomu na kuingiza taarifa ukafata baadae ambapo maeneo 350 yalitambulika.

Kwa upande wa Pemba walianza na kuwapa elimu kwa wananchi wanao ishi maeneo ya Gombani na vitongoji vyake kama vile Korea, Madina, judo, Mperani, Chukwani, Miburani na Gombani ya kati.

Kazi ya upimaji, utoaji ramani,pamoja na ujazwaji wa fomu za utambuzi zilifanyika ambapo maeneo 537 yamefanyiwa upimaji .

Wizara ya biashara maendeleo ya viwanda nao kwa upande wao wameweza kukamilisha ujenzi wa kituo jumuishi kilichopo wilaya ya chake chake Pemba na kuweza kufatilia utekelezaji wa majukumu katika kituo Jumuishi kilichopo Darajani Wilaya ya Mjini na Mkokotoni Baraza la Mji kaskazini A.

Kituo Jumuishi cha Darajani ni kituo ambacho kinatoa huduma tofauti tofauti kama vile Wakala wa Usajili wa Biashara na Mali (BPRA),Baraza la Manispa la Mjini, ofisi ya Mkemia mkuu wa serikali ,wakala wa chakula dawa na vipodozi Zanzibar ( ZFDA)

Vile vile Kituo cha Jumuishi cha Urasimishaji cha Kaskazini A Kimeweza kuwatambuwa wafanyabiashara wadogo wadogo 311 na kuwapa uwelewa wa usajili wa biashara, kutoa leseni za biashara 983 kwa wafanyabiashara waliokuepo kwenye Mkoa wa Kaskazini A pamoja na wafanyabiashara 24 kusajiliwa katika mfumo wa usajili wa biashara na mali (BPRA) na vikundi 36 vimetambuliwa na kupewa maelekezo ya mahitaji ya kukamilisha usajili wao.

Katibu Mtendaji Tume ya Mipango Zanzibar, Dkt. Rahma S. Mahfoudh akiongoza kikao cha kujadili mfumko wa bei na mwenendo wa bei za bidhaa kwa mwezi wa Januari mwaka 2023.

Kikao hicho kilifanyika katika ukumbi wa Tume ya Mipango, kilihudhuriwa na washiriki kutoka Taasisi mbali mbali za Serikali, walipata fursa ya kutoa maoni, mapendekezo ili kuweza kuondoa changamoto zilizopo kuhusu mfumko wa bei za bidhaa.

Katibu Mkuu Kiongozi na Katibu wa Baraza la Mapinduzi Mhandisi Zena Ahmed Said akiongoza warsha ya kikao kazi cha Uwasilishaji wa matokeo ya Tafiti ya kuendeleza ustawi wa Mtoto katika jamii.

Warsha hiyo imehusisha Makatibu Wakuu na Manaibu Makatibu wakuu wa Serikali ya Mapinduzi ya Zanzibar na Maafisa mbalimbali wa Taasisi za Serikali ya Mapinduzi ya Zanzibar.

Tume ya Mipango Zanzibar kupitia idara ya mipango ya kitaifa, maendeleo ya kisekta na kupunguza umasikini, imeshiriki katika Uzinduzi wa utoaji hati za urasimishaji ardhi kwa wananchi wa shehia ya Shakani ambapo wananchi mbali mbali walikamilisha taratibu zote wamepatiwa Hati za ardhi zao.

Tume ya Mipango Zanzibar Kupitia Idara ya mipango na maendeleo ya watendakazi imefanya kikao kazi cha wadau wa UNFPA kujadili utekelezaji na changamoto zilizojitokeza katika utekelezaji wa programu mbali mbali katika kipindi cha robo mwaka Machi hadi Juni 2022. Kikao hicho kimefanyika katika ukumbi wa Tume ya Mipango na kimeongozwa na Kamishna wa Idara hiyo Ndugu Salama Ramadhan Makame.

Tume ya Mipango Zanzibar Kupitia Idara ya mipango ya kitaifa, maendeleo ya kisekta na kupunguza umasikini imefanya kikao cha pamoja na wadau kutoka taasisi mbali mbali kujadili maandalizi ya Maadhimisho ya wiki ya kupambana na umasikini Zanzibar inayotarajiwa kuadhimishwa kuanzia tarehe 13 hadi 17 October 2022.

Tume ya Mipango Zanzibar Kupitia Idara ya mipango ya kitaifa, maendeleo ya kisekta na kupunguza umasikini imefanya mafunzo ya kutoa uelewa juu ya mradi wa MKURABITA kwa maafisa na watendaji mbali mbali wa Ofisi ya Rais Fedha na Mipango.

Katibu Mtendaji wa Tume ya Mipango Zanzibar Dkt. Rahma S. Mahfoudh amefungua kikao kazi cha siku 5 cha maandalizi ya Utekelezaji wa Ripoti ya Hiari kwa Malengo ya Maendeleo Endelevu (SDGs) kwa upande wa Zanzibar mwaka 2023 kilichofanyika katika ukumbi wa Ofisi ya Mtakwimu Mkuu wa Serikali Zanzibar.